Grupo municipal dos socialistas de Santiago

• Noticias
• Axenda
• Galerías de imaxes

Noticias

COVID19

O alcalde afirma que adiantar a saída do estado de alarma por parte da Xunta "é máis un elemento psicolóxico que outra cousa"

15/06/2020

É evidente, argumenta o rexedor, que "a comunicación interprovincial xa estaba restablecida, que a conexión con Asturias e Castela-León non se vai restablecer antes do día 22, e polo que parece a conexión con Portugal non se vai restablecer antes 1 de xullo". Polo tanto, explica, só hai dous cambios: que a máxima autoridade é a comunidade autónoma e que se transmite a imaxe, cara o resto de España, de que Galicia xa recuperou esa nova normalidade.Os cambios, indicou, "parécenme moi limitados.

Sánchez Bugallo sinalou que "máis importante que correr moito é ir seguro", Polo tanto, engade, "todos temos que adoptar as medidas de precaución imprescindibles para evitar que se produzan rebrotes". Para o rexedor, sería moi negativo que se tiveran que dar pasos atrás. Neste sentido apelou á prudencia da cidadanía. Un retroceso, dixo, "sería moi negativo", non só para as persoas que puideran contaxiarse; tamén "pola a imaxe que trasladaría do país e do conxunto da sociedade".

Este escenario de nova normalidade é, explicou, "dunha complexidade extraordinaria". O rexedor indicou que desde o goberno local vaise proceder a analizar con detimento o contido dos decretos aprobados polo Consello da Xunta a proposta de Vicepresidencia do goberno autonómico e da Consellería de Sanidade; para ver como se poden adaptar "e darlle cumprimento ás medidas que se reclaman".

Entre esas medidas complexas pon como exemplo as que cómpre adoptar cos parques. Explica Sánchez Bugallo o concello de Santiago conta con 153 instalacións deste tipo (82 parques infantís, 51 pistas polideportivas ao aire libre, e 20 parques ), o que fai moi difícil, realizar a adaptación, sobre todo a limpeza. A previsión é abrilos o próximo 1 de xullo. Para o alcalde, é indispensable, en todo o que se faga, garantir as medidas de seguridade.

O rexedor sinala que a nova normalidade coñecémola o domingo, e recorda que prosigue o estado de emerxencia sanitaria declarado polo goberno galego no mes de marzo. Polo tanto, aclara, as instruccións e indicacións dictadas polo Consello da Xunta e pola Consellería de Sanidade siguen estando en vigor. A partir de aí, engade, "iremos paso a paso. Nós non queremos avanzar moi rápido, queremos avanzar de forma firme e actuando con prudencia".

VALORACIÓN MANDATO

Preguntado sobre que nota lle pon ao goberno neste primeiro ano de mandato, o alcalde afirmou que iso lle corresponde aos cidadáns. Para Sánchez Bugallo foi un ano "imprevisto" e "imprevisible", pola cantidade de cousas que pasaron, que eran "impensables". En todo caso dixo sentirse "especialmente orgulloso" do traballo e do papel do "conxunto dos composteláns" á hora de afrontar esta crise, que cualificou de "éxito conxunto de toda a cidadanía".

O rexedor cre, "modestamente", que o Concello de Santiago, estivo a "unha altura notable, como mínimo, e mesmo sobresaliente" nalgunhas das decisións tomadas. Citou, en concreto, os programas desenvolvidos de axuda ás persoas sen fogar, que estiveron, sinalou "moi por enriba da media"; os programas de axudas ás persoas sen recursos económicos, e especificamente o apoio prestado a través dos tickets especiais de compra, con 1.500 familias atendidas que suman case 4.000 persoas. "Creo", engadiu, que a cidadanía é consciente "de que este traballo se fixo ben". Sánchez Bugallo asegurou que a frase que máis veces lle repetiron foi "menos mal que estabades vós. Unha frase que me dixeron ducias de persoas pola rúa", conclúe.

Volver